जिल्ला समन्वय समितिको कार्यालय
कास्की, नेपाल
२०८३ श्रावण २३ गते शनिबार
कास्की, नेपाल
मिति २०८३ श्रावण २२ गते समन्वय समिति कास्कीले आर्थिक बर्ष ०८२।८३ को उपलव्धी र २०८३-८४ को बार्षिक कार्ययोजना सार्बजनिक गरेको छ। समितिले शुक्रबार बिषेस संचारकर्मी भेटघाट कार्यक्रम आयोजना गरेर आफ्नो उपलब्धी र कार्ययोजना सार्बजनिक गरेको हो। सार्बजनिक गर्दै जिल्ला समन्वय समिति कास्कीका प्रमुख लिलाधर पौडेलले नेपालको संविधानको धारा २२० अनुसार जिससका काम कर्तव्य र अधिकार, जिल्लाभित्रका गाउँपालिका र नगरपालिका बीच समन्वय गर्ने, विकास तथा निर्माण सम्बन्धी कार्यमा सन्तुलन कायम गर्न सो को अनुगमन गर्ने,जिल्लामा रहने संघीय र प्रदेश सरकारी कार्यालय र गाउँपालिका र नगरपालिका बीच समन्वय गर्ने, प्रदेश कानून बमोजिमका अन्य कार्यहरू गर्ने भन्ने उल्लेख भए मुताबिकका बिषयबस्तुलाइ प्राथमिकतामा राखिएको उल्लेख गर्नुभयो। उक्त कार्यक्रम संचालन जि स अ नवराज वरालले गर्नु भएको थियो भने कार्य प्रगति र भावी रणनीति र कार्यक्रम वारेमा शाखा अधिकृत लक्षु शर्माले कार्यपत्र प्रस्तुत गर्नुभएको थियो । उक्त कार्यक्रमामा विभिन्न संचार गृहका २० जना संचारकर्मी तथा पत्रकारहरुको सहभागिता रहेको थियो ।