कास्कीका पालिकाहरू मध्यम जोखिममा - जिसस प्रमुख पौडेल
१६ बैशाख ,पोखरा
जिल्ला
समन्वय समिति कास्कीले कास्कीका पालिकाहरूको आर्थिक बर्ष २०८०/८१ को
बित्तिय सुशासन जोखिम मुल्यांकन (FRA) को नतिजा सार्बजनिक गरेको छ।
जिसस कास्कीले मंगलबार विशेष कार्यक्रम मार्फत सार्बजनिक गरेको नतिजा
अनुसार कूल सय अन्कभारमा रूपा गाउँपालिकाले ६८%,अन्नपूर्ण गाउँपालिकाले
६६.५ %,मादी गाउँपालिकाले ६१.५ %,पोखरा महानगर पालिकाले ४७.५ र
माछापुच्छ्रे गाउँपालिकाले ४५ % प्राप्त गरे।
कार्यक्रममा
जिल्ला समन्वय समिति कास्कीका प्रमुख लिलाधर पौडेलले नतिजा सार्बजनिक गरे
लगत्तै कास्कीका पालिकाहरूको बित्तिय सुशासनको अबस्था अपेक्षाकृत सुधार
हुन नसकेको उल्लेख गरे।
प्रमुख पौडेलले ४०% भन्दा तल उच्च जोखिम ,४०% बाट ८० % सम्म मध्यम जोखिम र
८० भन्दा माथी अन्क प्राप्त गर्ने पालिका न्यून जोखिममा रहेको भन्दै आगामी
बर्षका नतिजामा सुधार गर्ने गरेर आफ्ना कार्य सम्पादन गर्न पालिकाहरू थप
गम्भीरतापूर्बक लाग्नुपर्ने बताउनुभयो ।
बित्तीय
सुशासनको बिषय पालिकाहरूले उच्च प्राथमिकतामा राख्नु पर्ने भन्दै पौडेलले
पालिकाहरूमा शाखागत समन्वय थप मजबुत बनाउनु जरुरी भएको उल्लेख गर्नुभयो ।
उन्नत खालको सुशासन उत्कृष्ट बित्तिय सुशासन बिना असम्भव रहेको पौडेलको भनाइ थियो।
प्रमुख
लिलाधर पौडेलको अध्यक्षतामा आयोजित कार्यक्रममा स्वागत जिसस कास्कीका उप
प्रमुख सरिता माल र संचालन जिल्ला समन्वय अधिकारी नबराज बरालले गर्नुभएको
थियो। कार्यक्रममा गाउँपालिकाका प्रमुख ,उप- प्रमुख ,प्रशासकिय अधिकृत ,
कर्मचारी ,संचारकर्मी र सरोकारवालाहरूको उपस्थिति रहेको थियो ।
Best Regards,