जिल्ला समन्वय समितिको कार्यालय
कास्की, नेपाल
२०८२ भाद्र १९ गते बिहीबार
कास्की, नेपाल
जिल्ला समन्वय समिति कास्कीको आयोजनामा कास्कीका पालिकाहरू संग असल अभ्यास बिषयमा अन्तरक्रिया कार्यक्रम सम्पन्न भएको छ। कास्की जिल्लाका पालिकाहरुका प्रमुख/अध्यक्ष, उपप्रमुख/ उपाध्यक्ष, प्रमुख प्रशासकीय अधिकृत, जिल्ला समन्वय समितिका पदाधिकारी ,कास्कीका प्रमुख जिल्ला अधिकारी, प्रदेश नीति आयोगका सदस्य, गै स स का प्रतिनिधिहरु लगायतका ४० जाना को सहभागितामा भएको उक्तकार्यक्रमको जिल्ला समन्वय समिति कास्कीका प्रमुख लिलाधर पौडेलले उद्घाटन गर्नु भएको थियो। कास्कीका ५ वटै पालिकाहरुले गरेका असल अभ्यासहरु तथा अनुभवहरु प्रस्तुत भएको उक्त कार्यक्रममा जि.स.स. प्रमुख लिलाधर पौडेलले कार्य सम्पादन र बिकास निर्माणका असल अभ्यास आदान प्रदान सहित समस्याहरूको निराकरण र प्रभाबकारी समन्वयका निम्ति कार्यक्रम आयोजना गरिएको उल्लेख गर्दै आपसी अनुभव आदान प्रदानले प्रभाबकारी कार्यसम्पादनको स्तर वृद्धिमा सहयोग गर्ने उल्लेख गर्नुभयो। पौडेलले सबै पालिकाहरूले आन्तरिक नियन्त्रण प्रणाली निर्माण गरेर जनउत्तरदायी र जबाफदेही सेवा प्रबाहमा केन्द्रित हुनुपर्ने उल्लेख गर्दै पारदर्शी र प्रभाबकारी दिगो बिकासमा लाग्न अनुरोध गर्नुभयो । कार्यक्रममा पोखरा महानगर पालिकाका प्रमुख धनराज आचार्य ,अन्नपूर्ण गाउँपालिकाका उप प्रमुख चन्द्रकला अधिकारी , कास्कीका प्रमुख जिल्ला अधिकारी रुद्रादेबी शर्मा, गैर सरकारी संस्था महासंघ कास्कीका सचिब केशु भुजेल सहितले आ -आफ्नो धारणा प्रस्तुत गर्नुभएको थियो।
जिल्ला समन्वय समिति कास्कीका प्रमुख लिलाधर पौडेलको अध्यक्षतामा सम्पन्न उक्त कार्यक्रममा स्वागत उप प्रमुख सरिता माल र कार्यक्रम संचालन जिल्ला समन्वय अधिकारी नवराज बरालले गर्नुभएको थियो ।